Біздің бағыттарымыз бен міндеттеріміз

Негізгі қызмет екі бағытта жүргізіледі: көркем шығармашылық және бос уақытты ұйымдастыру. Көркемөнерпаздар ұжымдарымен бірге мәдени-ағарту жұмыстары өткізіледі. Оған тақырыптық кештер, қызықты адамдармен кездесулер, әңгімелер, демалыс кештері, шығармашылық кештер, мәдени-сауық бағдарламалары және адамдардың өзара қарым-қатынасы кіреді.

Саңыраулар мәдениет үйінің жұмыс түрлері мен әдістерінің алуан түрлілігі дербес ойлау дағдыларын дамытуға, дарын мен қабілетті анықтауға, рухани қалыптасуға және бос уақытты мазмұнды өткізуге ықпал етеді.

Көркем шығармашылыққа «Браво» саңырау клоундарының халықтық ұжымы, мимика және ым театры, «Меруерт» ым-ишара әні мен биінің халықтық ансамблі және «Өнер ұшқыны» бейнелеу және қолданбалы өнер студиясы кіреді. Бұл бағыттар адамдарды біріктіріп, табиғи қабілеттері мен таланттарын ашуға мүмкіндік береді.

ДК шығармашылық ұжымы мәдениет үйінің қалыптасу жылдарында орныққан дәстүрлерге сүйене отырып жұмыс істейді. Әр деңгейдегі байқаулар мен фестивальдерге қатысу ұжымдардың жоғары дайындығын көрсетеді.

Ұжымдардың жетістіктері қалалық, облыстық, республикалық және халықаралық байқаулардағы жүлделі орындармен, лауреат және дипломант атақтарымен дәлелденеді.

Біз кімбіз

Біз, еститін адамдар, дыбысқа толы әлемде өмір сүреміз және қасымызда үнсіздік әлемі бар екенін әрдайым сезіне бермейміз. Бұл - саңырау жандардың әлемі. Статистика бойынша Қарағанды қаласы мен облысында есту қабілеті бойынша мүгедектігі бар 1200-ден астам адам тұрады.

Есту қабілеті бұзылған жандардың ерекшелігі - бір-бірімен ым-ишара тілі арқылы қарым-қатынас жасау және ақпарат алу. Барлық маңызды әрі танымдық ақпаратты біз ымдау тілі аудармашысы арқылы жеткіземіз.

Біздің ДК міндеті - есту қабілеті бұзылған жандардың мәдени демалысына қолайлы жағдай жасау, қазіргі әлемдегі дүниетанымын кеңейту, шығармашылығын насихаттау және дамыту, сондай-ақ олардың өзара қарым-қатынасын қолдау.